الدكتور أحمد أبو زهرة : أهل النوبة أهلنا وناسنا اللي اتربّينا وسطهم، وعشنا معاهم أجمل أيام عمرنا

بلاد النوبة والنوبيين مش حِكر على شخص، دول أهلنا وناسنا اللي اتربّينا وسطهم، وعشنا معاهم أجمل أيام عمرنا، وبيننا عِشرة ومحبة أكبر من أي انتخابات أو مناصب. أنتم أهلي وإخواتي وأصحابي، اتعلمت منكم الأصول والجدعنة واحترام الصغير قبل الكبير، وده سبب اعتزازي بيكم ومحبتكم الغالية عندي. وأنا على يقين إنكم تعرفوا أخلاقى ومواقفي، وتعرفوا إني لا أقبل استخدام اسمي أو محبتكم لي في أي خلاف أو تصفية حسابات انتخابية. الانتخابات أيام، لكن العِشرة عمر، والمناصب بتتغير، إنما المحبة الحقيقية بتفضل. أنا عايز أفضل وسطكم أخوكم وصاحبكم، بنفس الوش والمواقف اللي عرفتوني بيها. أنا بفتخر إني ورثت عضويتي في النادي عن أهلي، وكملت المشوار مع زوجتي وأولادي، واحترامي ليكم وللنادي وأعضائه أكبر من أي مصلحة انتخابية. محبتكم عندي مش مرتبطة بصوت انتخابي، ومكانتكم في قلبي أكبر من أي منصب.

الكلمات الدلائليه خدمات اهداءات